,.. தொடரும்

உலகத்தில் மனிதர்கள்
மூன்று வகை
மரணம் கேட்டவர்கள்
மரணம் பார்த்தவர்கள்
மற்றும்
மரணம் அறிந்தவர்கள்.

,..

நீர்தீரும் வரை

நீவரும் வரை

எனுமிரு வரிகளின்

கவிதை சாத்தியத்தை

குறித்ததாயிருக்கிறது

கோடைப்பகல்கள்

மற்றும்

குளிரிரவுகளின்

சிந்தனைகள்.

நிர்வாணங்களின் சாயல்

தங்கி நிற்கிறது

நமது பார்வைகளில்.

அருகருகிருந்தும்

விலக்கித்தள்ளுகின்றன

பார்வையாடல்கள்.

முதல் மழையின் முதல் நொடியில்

பூக்கத்துவங்கிய மலர்

மொத்தமழையும்

பெய்து தீரும் வரை

இருந்து விடுமா என்ன?

எந்தக்கணத்தில் தங்கிநிற்கிறது

நம்மைப் பிரித்து வைத்த

மௌனம்.

அதைத் தெரிந்து கொள்ளும்

கணத்திலேயே

மறந்து போகலாம்

நாமிது வரை

கற்றுக்கொண்ட

அத்தனை மொழிகளும்.

எனது

ஒழுங்கின்மைகளின் பக்கங்களில்

எழுதப்பட்டிருக்கும் கவிதைகளை

ஒழுங்குபடுத்த துவங்குகிறாய்.

பக்கங்களுக்கு சிறகு முளைத்து

கவிதைகளோடு

பறந்துவிடப்போகிறது .

மொத்தக்காட்டையும் எரித்த பின்பு

அடங்கித்தணியும்

தணலின் வெப்பம்

உனது முத்தம்.