மழைக்குப் பிறகு ...

Friday, June 11, 2010

அதிகாலை சூரியனிலிருந்து

புறப்பட்டுப்போகிறதோர்

குப்பை வண்டி.

காலத்தை இப்படியும்

இழுத்துச்செல்லலாம் போல

,..

ஒற்றை மரத்தை

ஒரு முறைதான் சுற்றினேன்

திருப்பி வைக்கப்பட்டிருக்கின்றது

மொத்த பூமியும்

,..

இளந்தளிர்கள் சிலிர்த்து நிற்கும்

செடிகளிடம்

இதற்கு மேலும்

என்ன கேட்கின்றது

அதிகாலையில்

பெய்யுமிந்த மழை

...

இரவு பெய்த மழை

மழை பெய்த இரவு

இரண்டிற்குமிடையில்

எங்கோ தங்கி நிற்கின்றன

தெளிந்த பூமியும்

அது நனைந்த வாசமும்

,..

தேநீர் இடைவேளையில் பெய்த மழை

பார்த்திருக்க முடிவதில் சந்தோஷப்படுகிறார்கள்

வறட்டு பூமி நனைந்தும் சிலிர்ப்பதில்லை

,..

உறையும் புன்னகைகள் நிறைந்திருக்கின்றன

என் வெளியெங்கும்

ஒரு வார்த்தை சொல்

உருகி கரைந்து போகட்டும் அத்தனையும் ...

புரிந்து கொள்ளாதவர்களின் மத்தியில்

நமது புரிதல் கூட

அர்த்தமற்றுப்போவது

வியப்பாயிருக்கிறது

,..